Mro. Brian Cassar LLCM; ALCM; Dip.Mus.

 Brian Cassar  twieled  fl-1971 fil-Belt tal-Isla. L-ewwel kuntatt mall-muzika kien fl-eta ta’ disgha snin mal-banda ‘La Vincitrice’ (dak iz-zmien Queen’s Own) fejn ha l-ewwel taghlim tal-klarinett.  Kompla jistudja, fejn kiseb l-ewwel zewg diplomi (Associate u Licenciateship) mill-London College of Music. Ha sehem ukoll f’master classes minn muzicisti barranin fosthom il-Klarinettisti Inglizi Jeffrey Haydock  u David Campbell.

Fl-1996, iggradwa mill-Universita ta’ Malta fl-istudji Muzikali, fosthom fil-muzikologija,  direzzjoni u  kompozizzjoni.

Brian huwa kompozitur ta’ diversi marci, innijiet u  arrangementi ghall-banda. Dawn insibuhom jindaqqu f’diversi baned madwar Malta kif ukoll barra, bhall-Italja, Franza, l-Amerika w Awstralja. Daqq ukoll ma’ Baned barranin, fosthom il-banda Germaniza ‘Postkapelle Koblenz’ meta kiseb it-tielet post f’kompetizzjoni ghal muzicisti zghazagh.

Fl-1998 gie mahtur surmast direttur ta din il-banda, fejn matul dawn is-snin idderiga kull program muzikali, fosthom dak tal-Hamsin sena anniversarju mit-twaqqif tal-Banda u  akkademja muziko-letterarja fl-okkazjoni tal-125 sena mit-twaqqif tal-fratellanza ta’ San Guzepp.  Barra l-banda ‘San Guzepp’ huwa jokkupa l-kariga ta’ Surmast direttur tal-Banda ‘La Vincitrice’ tal-Isla.